ویب ڈیسک:گورنر سندھ نے سالِ نو کا جشن عالمی طرز پر منانے کا اعلان کرتے ہوئے کہا ہے کہ شان دار آتش بازی بھی کی جائے گی۔
گورنر سندھ کامران خان ٹیسوری نے کہا ہے کہ نئے سال 2025 آمد کو امید اور روشنی کی کرنوں کے ساتھ خوش آمدید کہیں گے ،گورنر ہائوس میں سالِ نو کے استقبال کے لیے شاندار آتش بازی کے انتظامات مکمل کرلیے گئے ہیں۔
سالِ نو کے موقع پر قوالی کی یادگار محفل کا انعقاد کیا جائے گا، جس میں ملک کے معروف قوال افضل صابری گورنر ہاس میں اپنی پرفارمنس پیش کریں گے۔
انہوں نے کہا کہ سالِ نو کے جشن کے لیے تاریخی اسٹیج کی تیاری آخری مراحل میں ہے کراچی کی رونقیں بحال کرنے کے لیے اپنی بھرپور کوشش جاری رکھوں گا۔
شہر قائد کے تمام رہنے والوں کو دعوت دیتا ہوں کہ آئیں اور گورنر ہاس میں ہمارے ساتھ جشن منائیں۔ گورنر ہاس میں کلچرل پروگرامز شہریوں کو امید اور حوصلہ دینے کی ایک کاوش ہیں۔
