ویب ڈیسک: پنجاب کی صوبائی دارالحکومت لاہور میں سال نو کی آمد پرآتش بازی پر مکمل پابندی عائد کردی گئی۔
انواٹرمنٹ پروٹیکشن ایجنسی کی جانب سے آتش بازی پر پابندی سے متعلق باقاعدہ طور پر نوٹیفکیشن جاری کر دیا گیا۔
ڈپٹی کمشنر لاہور سید موسی رضا نے کہا ہے کہ نئے سال کی آمد پر کسی قسم کی آتش بازی نہیں کی جائے گی، خلاف ورزی پر بلا امتیاز سخت کارروائیاں عمل میں لائی جائیں گی۔
ان کا کہنا تھا کہ ضلعی انتظامیہ سموگ کے تدارک کیلئے کوشاں ہے شہری بھی تعاون کریں، بچوں، بزرگوں اور بیمار افراد کو خاص طور پر سموگ کے مضر اثرات سے محفوظ رکھیں، صحت کا خیال رکھنا اولین ترجیح ہے۔
ڈی سی لاہور نے مزید کہا کہ فضائی آلودگی شہریوں میں صحت مسائل کا باعث بن سکتی ہے، صاف اور صحت مند ماحول کے لیے سخت اقدامات جاری ہیں۔
