ویب ڈیسک: مشیر اطلاعات خیبر پختونخوا بیرسٹر محمد علی سیف نے کہا ہے کہ کرم امن معاہدے پر دستخط ہو گئے ہیں ، معمولات زندگی جلد مکمل طور پر بحال ہو جائیں گے
کرم جرگہ کے اہم سے بات کرتے ہوئے مشیر اطلاعات خیبر پختونخوا بیرسٹر محمد علی سیف کا کہنا تھا کہ دونوں فریقین کی جانب سے امن معاہدے پر دستخط ہو گئے ہیں۔
انہوں نے کہا کہ ایک فریق کی جانب سے چند دن پہلے دستخط کئے گئے تھے جبکہ دوسرے فریق نے آج باقاعدہ طورپر امن معاہدے پردستخط کردیئے ہیں ۔
انہوں نے کہا کہ امن معاہدے کے دستخط پر اہلیانِ کرم کو مبارکباد پیش کرتے ہیں، امن معاہدے سے کرم میں امن اور خوشحالی کا نیا دور شروع ہوگا۔
بیرسٹر سیف محمد علی سیف کا مزید کہنا تھا کہ امن معاہدے پر دستخط سے معمولات زندگی جلد مکمل طور پر بحال ہو جائیں گے۔
