ویب ڈیسک: وفاقی حکومت اور پاکستان تحریک انصاف (پی ٹی آئی )کے درمیان مذاکرات کا دوسرا دور آج سے شروع ہوگا۔
سپیکر قومی اسمبلی سردار ایاز صادق کی زیر صدارت بند کمرہ اجلاس پارلیمنٹ ہائوس میں آج سہ پہرساڑھے 3 بجے ہوگا۔
وزیراعلی خیبرپختونخوا علی امین گنڈاپور آج کے مذاکرات میں شامل ہوں گے ، اجلاس میں تحریک انصاف اپنا چارٹر آف ڈیمانڈ پیش کرے گی۔
پارٹی ذرائع کے مطابق تحریک انصاف عمران خان اور دیگر قیدیوں کی رہائی کا معاملہ اٹھائے گی، پی ٹی آئی 9 مئی اور 26 نومبر کے واقعات کی تحقیقات کے لیے جوڈیشل کمیشن کا مطالبہ کرے گی۔
ذرائع کے مطابق حکومت چارٹر آف ڈیمانڈ کی روشنی میں اپنا لائحہ عمل دے گی۔
