ویب ڈیسک: صوبائی دارالحکومت پشاور میں سبزیوں کی قیمتیں کم ہو گئیں جس کے نتیجے میں ٹماٹر فی کلو 220روپے کے ہو گئے ۔
تفصیلات کے مطابق پشاور شہر میں سبزیوں کی قیمتوں میں 10 سے 40 روپے تک کی کمی ہوئی ہے جبکہ فی کلو ٹماٹر کی قیمت میں 20 روپے تک کمی آ گئی ہے۔
اسی طرح آلو کی قیمت میں 10روپے کی کمی ہوئی ہے، سرکاری نرخنامے میں آلو کی قیمت 90 روپے کلو مقرر کی گئی ہے،شملہ مرچ کی فی کلو قیمت میں 30 روپے کی کمی ہوئی ہے۔
شملہ مرچ کی قیمت 230 سے کم ہو کر 200 روپے ہو گئی ہے، پیاز کی فی کلو قیمت 130، لیموں 100 روپے کلو، لہسن 600روپے کلو، ادرک 360 روپے کلو ہو گئے ہیں۔
