ویب ڈیسک:وزیراعظم پاکستان میاں شہباز شریف نے کہا ہے کہ بھارت مقبوضہ علاقے کی بادی کی نوعیت تبدیل کرنے کی کوشش کررہا ہے ۔
جموں و کشمیرکے عوام کے یوم حق خود ارادیت پر پیغام جاری پیغام میں وزیراعظم شہباز شریف کا کہنا تھا کہ شہباز شریف نے کہا کہ 5 جنوری، کشمیریوں کے یومِ حق خود ارادیت کے طور پر منایا جاتا ہے، 1949میں آج کے دن اقوام متحدہ کمیشن برائے ہندوستان اور پاکستان نیتاریخی قرارداد منظور کی۔
انہوں نے کہا کہ قرارداد جموں و کشمیر میں آزادانہ اور منصفانہ استصواب رائے کی ضمانت دیتی ہے، حق خود ارادیت، اقوام متحدہ کے چارٹر اور بین الاقوامی قانون کا بنیادی اصول ہے۔
انہوں نے کہا کہ آج وقت ہے کہ اقوام متحدہ سمیت عالمی برادری اپنے وعدوں پر عمل کرے، عالمی برادری کو انسانی حقوق کی خلاف ورزیاں بند کرنے، سیاسی قیدیوں کی رہائی کا مطالبہ کرنا چاہیے، عالمی برادری کو کشمیری عوام کے بنیادی حقوق اور آزادیوں کی بحالی کا بھی مطالبہ کرنا چاہیے۔
وزیر اعظم کا کہنا تھا کہ بھارت ایسے اقدامات کر رہا ہے جن سے کشمیرکی بین الاقوامی سطح پرتسلیم شدہ متنازع نوعیت کو نقصان پہنچے، بھارت متنازع علاقے کی آبادی کی نوعیت اور سیاسی ڈھانچے کو تبدیل کرنے کی کوشش کر رہا ہے، بھارت کشمیری عوام کو وسیع پیمانے پر منظم طریقے سے انسانی حقوق کی خلاف ورزیوں کا نشانہ بنا رہا ہے۔
شہباز شریف کے مطابق پاکستان کشمیری عوام کے حق خودارادیت کیحصول کے لیے ان کی اخلاقی، سیاسی اور سفارتی حمایت جاری رکھنے کے عزم کا اعادہ کرتا ہے۔
