ویب ڈیسک: ہائر ایجوکیشن کمیشن ( ایچ ای سی ) میں 30ہزار طلباء کی ڈگریاں تصدیق کی منتظر رہنے کا انکشاف سامنے آیا ہے ۔
ایجوکیشن کمیٹی کی کنوینئر ڈاکٹر شازیہ صوبیہ اسلم سمرو نے اس حوالے سے بات کرتے ہوئے کہا کہ ایچ ای سی میں تیس ہزار طلبا کی ڈگریاں تصدیق کی منتظر ہیں، پہلے ان یونیورسٹیوں کا پتا لگا رہے جن کے کیمپسز ایچ ای سی سے منسلک ہوتے ہیں ۔
انہوں نے کہا کہ اب ہم ڈگری پروگرامز کی کنفرمیشن اور درپیش مسائل پر غور کر رہے ہیں، ہم ان تیس ہزار طلبا کی ڈگری کی تصدیق کے مسائل کو حل کرنے کی کوشش کریں گے۔
ان کا کہنا تھا کہ ہم اب ایجوکیشن ڈیپارٹمنٹ اور ایچ ای سی کو بلا رہے ہیں تاکہ مسائل کا حل تلاش کیا جاسکے، صوبوں اور وفاق کے درمیان ڈگریوں کی تصدیق کے مسئلے پر موجود کنفیوژن کو ختم کیا جاسکے، ایچ ای سی میں ڈگری تصدیق کیلئے آنے والے اسٹوڈنٹس کو درپیش مسائل پر جلد ایکشن لیں گے ۔
انہوں نے مزید کہا کہ اٹھارویں ترمیم بہت اچھی چیز ہے اس سے اپنی صلاحیتوں کا پتا چلتا ہے، آپس کی سیاسی لڑائی سے بچوں کیلئے مسائل پیدا کر ریے ہیں تو یہ سوچنا چاہیے، وزیراعلی خیبرپختونخواہ کو سوچنا ہوگا اپنی سیاست کیلئے طلبا کے کیلئے مسائل پیدا ہوں گے۔
