ویب ڈیسک: خیبرپختونخوا کے وزیر برائے اعلیٰ تعلیم مینا خان آفریدی نے کہا ہے کہ میرٹ اور شفافیت پر کوئی سمجھوتہ نہیں ہوگا، حقدار کو ضرور حق ملے گا، محکمہ اعلیٰ تعلیم میں بہتری اور اصلاحات لانے کیلیے عملی اقدامات اٹھا رہے ہیں۔
وزیر برائے اعلیٰ تعلیم نے کہا ہے کہ میرٹ اور شفافیت پر کوئی سمجھوتہ نہیں ہوگا، حقدار کو ضرور اپنا حق ملے گا، جبکہ کرپشن کسی صورت برداشت نہیں ہوگی، بدعنوانی کرنے والوں کیلیے عدم برداشت کی پالیسی ہے، کرپشن سے پاک پاکستان پی ٹی آئی کی اولین ترجیحات میں شامل ہے۔
محکمہ اعلیٰ تعلیم کے کمیٹی روم میں ہائیر ایجوکیشن ریگولیٹری اتھارٹی خیبر پختونخوا میں اصلاحات کے حوالے سے اجلاس منعقد ہوا، جس میں ریگولٹری اتھارٹی کے چئیرمین، سپیشل سیکرٹری محکمہ اعلیٰ تعلیم سمیت دیگر متعلقہ افسران نے شرکت کی اجلاس میں صوبائی وزیر کو ہائیرایجوکیشن ریگولیٹری اتھارٹی پر تفصیلی بریفنگ دی۔
اس موقع پر اتھارٹی کو مستحکم اور مضبوط بنانے کیلیے مختلف تجاویز بھی بیش کی گئیں۔ صوبائی وزیر نے متعلقہ حکام کو ہدایت جاری کی کہ ضرورت مند اور قابل طلبہ کو میرٹ اور شفافیت کی بنیاد پر سکالرشپس کے مواقع مہیا کرنے کیلیے ایک میکینزم اور فامولا بنائیں۔
انہوں نے کہا کہ قابل اور ضرورت مند سٹوڈنٹس کو سکالرشپس کے ذیادہ سے ذیادہ مواقع فراہم کرنے کیلیے کوشاں ہیں جس سے صوبے کے ضرورت مند اور قابل طلبہ بڑی تعداد میں مستفید ہونگے۔
انہوں نے کہا کہ محکمہ اعلیٰ تعلیم میں بہتری اور اصلاحات لانے کیلیے عملی اقدامات اٹھارہے ہیں اور محکمہ میں جہاں پر جو بھی خامی ہو اسے دور کرینگے۔
