ویب ڈیسک: ملک بھرمیں شدید سردی کی لہر برقرار ہے جبکہ بالائی علاقوں میں دریا ، آبشاریں اور جھیلیں جم گئی ہیں ۔
محکمہ موسمیات کے مطابق آزاد کشمیر، گلگت بلتستان اور خیبرپختونخوا کے پہاڑوں پر وقفے وقفے سے برفباری کا سلسلہ جاری ہے
بالائی علاقوں میں غضب کی ٹھنڈ پڑنے لگی جس کے باعث جس کے باعث پارا نقطہ انجماد سے بھی نیچے گر گیا۔
برفباری اور شدید سردی کی لہر کے باعث شہری گھروں میں محصور ہو کر رہ گئے، خوراک اور ادویات کی قلت پیدا ہوگئی۔
وادی نیلم میں شدید بارش اور برفباری سے نظام زندگی متاثر ہوگیا، قلات میں درجہ حرارت منفی 10، زیارت میں منفی 9، گوپس اور کوئٹہ میں پارا منفی 7 کو چھو گیا جبکہ لہہ منفی 5 اور استور میں درجہ حرارت منفی 4 سینٹی گریڈ ریکارڈ کیا گیا ہے۔
حالیہ برفباری کے بعد بالائی علاقوں کی شاہراہوں پر پھسلن ہونے لگی، مقامی انتظامیہ نے ٹرانسپورٹرز کو غیر ضروری سفر سے اجتناب برتنے کی ہدایت کر دی۔
