ویب ڈیسک: سابق وزیراعظم عمران خان کی 6مقدمات میں عبوری ضمانت میں 28 جنوری تک توسیع کردی گئی۔
اسلام آباد ڈسٹرکٹ ایںڈ سیشن کورٹ میں بانی پی ٹی آئی عمران خان کے خلاف 6 اور بشری بی بی کے خلاف ایک مقدمہ میں عبوری ضمانت کی درخواست پر سماعت ہوئی، ایڈیشنل سیشن جج محمد افضل مجوکہ نے سماعت کی۔
بشری بی بی کے وکیل خالد چوہدری کی جانب سے آج حاضری سے استثنیٰ کی درخواست دائر دی گئی جبکہ عمران خان کی اہلیہ بشریٰ بی بی کی درخواست ضمانت پر فیصلہ نہ سنایا جا سکا، حاضری سے استثنی کی درخواست منظورکرلی گئی۔
جونئیر وکیل نے کہا کہ بانی پی ٹی آئی عمران خان کے وکیل سلمان صفدر دوسرے کیس میں مصروفیات کے باعث پیش نہیں ہو سکتے۔
عدالت نے بانی پی آئی عمران خان اور ان کی اہلیہ بشری بی بی کی عبوری ضمانتوں پر سماعت 28 جنوری تک ملتوی کردی۔
