ویب ڈیسک: امریکہ میں شدید برفباری کے باعث نظام زندگی مفلوج ہو کر رہ گیاہنگامی صورتحال سے نمٹنے کے لئے 7ریاستوں میں ایمرجنسی نافذ کردی گئی۔
میڈیا رپورٹس کے مطابق امریکا کی 30ریاستوں میں شدید برفباری سے نظام زندگی شدید متاثر ہو گیا ،زیادہ تر ریاستوں میں درجہ حرارت نقطہ انجماد سے نیچے گر گیا جبکہ کچھ ریاستوں میں درجہ حرارت منفی 5 سے لے کر منفی 29 ڈگری تک پہنچ گیا۔
محکمہ موسمیات کی جانب سے اوہائیو سے لیکر واشنگٹن تک مختلف ریاستوں میں 6 سے 12 انچ تک برف پڑنے کا امکان ظاہر کیا گیا ہے جبکہ شدید برفباری کی وجہ سے 1500 سے زائد پروازیں ملتوی اور5 ہزار پروازیں تاخیر کا شکار ہوئیں۔
غیر ملکی میڈیا رپورٹس کے مطابق برفباری کے باعث بعض ریاستوں میں سڑکیں اورتعلیمی ادارے بند کرد یئے گئے جبکہ مختلف حادثات میں 4 فراد ہلاک ہو گئے۔
