ویب ڈیسک: پاکستان تحریک انصاف کے سینئر رہنماء اور سابق وزیراعلیٰ پنجاب چوہدری پرویز الٰہی پر نیب ریفرنس میں فرد جرم عائد کردی گئی۔
احتساب عدالت لاہور نے ترقیاتی منصوبوں میں مبینہ کرپشن ریفرنس میں فرد جرم عائد کی،پرویز الٰہی نے صحت جرم سے انکار کردیا، عدالت نے آئندہ سماعت پر گواہوں کو طلب کرلیا۔
عدالتی عملے نے پرویز الٰہی کی حاضری گاڑی میں جاکر مکمل کی، فرد جرم کی شیٹ پر سابق وزیراعلیٰ نے دستخط کردیے۔
قبل ازیں پرویز الٰہی سمیت دیگر کے خلاف گجرات ترقیاتی منصوبوں میں کرپشن اور کک بیکس ریفرنس پر سماعت ہوئی، احتساب عدالت کے جج زبیر شہزاد کیانی نے ریفرنس پر سماعت کی۔
پی ٹی آئی رہنماء کے وکلا عدالت مین پیش ہوئے، عدالت نے استفسار کیا کہ پرویز الٰہی کہاں ہیں، وکیل نے جواب دیا کہ وہ ساڑھے 11بجے تک پہنچ جائیں گی، اس کے بعد عدالت نے کارروائی ملتوی کردی۔
عدالت محمد خاں بھٹی ،خالد محمود چھٹہ ،آصف محمود ،نعیم اقبال ،محمد اصغر اور اسد علی پر فرد جرم عائد کر رکھی ہے۔
گزشتہ سماعت پر پرویز الہی کے پیش نہ ہونے پر عدالت میں موجود ملزمان پر فرد جرم عائد کی گئی۔
