ویب ڈیسک: وفاقی وزیر خزانہ محمد اورنگزیب نے کہا ہے کہ ٹیکس کے ساتھ ساتھ اپنے اخراجات کم کرنا ناگزیر ہے ،ہم وفاقی حکومت کی رائٹ سائزنگ کر رہے ہیں۔
اسلام آباد میں پریس کانفرنس سے خطاب کرتے ہوئے وفاقی وزیر خزانہ سینیٹر محمد اورنگزیب کا کہنا تھا کہ بنیادی طور پر اکنامی کا ڈی این اے تبدیل کرنا ہے، ملکی معیشت کو برآمدات پر مبنی گروتھ کی طرف لے جانا ہے، مکمل طور پر ڈیجٹلائزیشن اور فیس لیس ٹیکنالوجی پر کام جاری ہے۔
انہوں نے کہا کہ پہلے چھ سے سات ماہ مائیکرو اکنامک استحقام پر توجہ دی گئی، موجودہ وقت میں معاشی طور پر ہم بڑے مثبت مقام پر ہیں، تمام اہداف مثبت سمت میں جارہے ہیں مائیکرو اکنامک استحقام آغاز ہے۔
وزیر خزانہ نے کہا کہ گزشتہ سال جون میں وزیراعظم نے ایک کمیٹی بنائی گئی، کمیٹی کو چیئر کرنے کا کہا گیا اس میں ایم این ایز اور ہائی لیول قیادت موجود ہے، کمیٹی کے ٹی او آرز کے مطابق اخراجات کم کرنے پر فوکس تھی، اداروں کی افادیت اور اثر کو دیکھنا تھا اس پیمانے پر رائٹ سائزنگ کی جانی تھی۔
ان کا کہنا تھا کہ میں چاہتا ہوں پلان سے زیادہ کارگردگی شیئر کی جائے، وفاقی سطح پر اخراجات کم کرنے جارہے ہیں، وفاقی حکومت کا حجم اور اخراجات کم کرنے کیلئے رائٹ سائزنگ کرنے جارہے ہیں، ٹیکس کے ساتھ ساتھ اپنے اخراجات کم کرنا ناگزیر ہے۔
محمد اورنگزیب نے کہا کہ کمیٹی کو 43 وزارتوں کو نظر ثانی کرنے کے اختیارات تھے، ان وزارتوں پر وفاقی حکوت کا 900 ارب کا خرچہ ہے، سب اکٹھا کرنے کی کوشش میں سب کچھ رہ جاتا ہے اس لیے مرحلہ وار دیکھا گیا، ہر فیز میں پانچ وزارتوں اور ماتحت اداروں کو آگے لایا گیا، ماتحت اداروں کی قلیدی قیادت کو بھی کمیٹی میں لے کر آئے۔
