ویب ڈیسک: امدادی سامان پر مشتمل گاڑیوں کا پہلا قافلہ پاراچنار پہنچ گیا، اشیاء خوردونوش سے بھرے بڑے ٹرک رات کو پہنچیں گے .
تفصیلات کے مطابق امدادی سامان پر مشتمل گاڑیوں کا پہلا قافلہ پاراچنار پہنچ گیا ، ان گاڑیوں میںمرغی ،انڈوں اور پاپڑ وغیرہ اشیائے خوردونوش شامل ہیں. بگن متاثرین کیلئے لایا جانے والا امدادی سامان بھی بگن لوئر کرم پہنچا دیا گیا ہے.
ذرائع نے بتایا ہے کہ پی ڈی ایم اے کے جانب سے 17 گاڑیوں میں لایا جانے والا امدادی سامان متاثرین کو دیا جائیگا، جبکہ بڑے ٹرک رات کو پہنچیں گے ۔ اس حوالے سے بتایا گیا ہے کہ مرغی و انڈوں کی گاڑیاں پہنچنے پر خریداروں کا رش امنڈ ایا ۔
سرکاری ذرائع کےمطابق قافلے کی گاڑیوں میں اشیائے خورونوش سمیت دیگر ضروری اشیاء شامل ہیں. گزشتہ روز حکومت اور علاقہ عمائدین کے مابین مذاکرات کامیاب ہوئے تھے ، جس کے بعد قافلے کو روانہ کرنے کی اجازت دی گئی .
یاد رہے کہ ان گاڑیوں میں اشیائے خوردونوش سمیت تمام ضروری اشیاء شامل ہیں. کرم کیلئے امدادی سامان لے جانیوالا 20 گاڑیوں کا پہلا قافلہ روانہ ہو گیا، 4 جنوری کو امدادی سامان لے کر جانے والا پہلا قافلہ رک گیاتھا۔
سرکاری ذرائع کا کہنا ہے کہ قافلے کی فضائی نگرانی ہیلی کاپٹر سے کی جارہی ہے۔ سرکاری ذرائع نے بتایا کہ سخت سکیورٹی میں امدادی اشیاء کے قافلے کو روانہ کیا گیا ، قافلے کی گاڑیوں میں اشیائے خورونوش سمیت دیگر ضروری اشیاء شامل ہیں۔
