ویب ڈیسک: پاکستانیوں کا کتے ، گدھے کا گوشت اور پلاسٹک کے چاول کھانے سمیت دودھ کی جگہ سفید کیمیکل پینے کا انکشاف سامنے آیا ہے ۔
ذرائع کے مطابق سینیٹ قائمہ کمیٹی نیشنل فوڈ اینڈ سیکیورٹی کے اجلاس میں عوام کی عجیب وغریب خوراک کا انکشاف ہوا ہے کہ پاکستانی قوم کتوں، گدھوں اور مینڈک کا گوشت کھاتے ہیں، پلاسٹک کے چاول کھاتے ہیں اور دودھ کی جگہ سفید کیمیکل پیتے ہیں۔
اجلاس کے دوران عوامی نیشنل پارٹی کے رہنما ایمل ولی خان نے کہا کہ ملک کے کئی علاقوں میں کتوں، گدھوں اور مینڈک کا گوشت فروخت ہوتا ہے، پلاسٹک کے چاول بھی بیچے جاتے ہیں۔
انہوں نے کہا کہ ملک میں جتنا دودھ بیچا جاتا، اتنا تو پیدا ہی نہیں ہوتا، دودھ کی پیداوار صرف 22 فیصد ہے، 78 فیصد تو کیمیکل والا سفید پانی بیچا جاتا ہے۔
اس موقع پر سینیٹر دنیش کمار نے کہا کہ قوم جو چاول کھا رہی ہے، اس کو چیک کرنے کا میکنزم موجود نہیں۔
اجلاس میں قائمہ کمیٹی نے فوڈ سیفٹی سے متعلق پالیسی سازی کے لیے ذیلی کمیٹی تشکیل دیدی۔
فوڈ سکیورٹی حکام کا کہنا کہ ایف آئی اے نے چاول ایکسپورٹ میں بد انتظامی کے خلاف 17 ایف آئی آر درج کی ہیں، اس ضمن میں11 ملزمان گرفتار ہیں، 2اشتہاری اور 4ضمانت پر ہیں۔
