ویب ڈیسک: خیبرپختونخوا کے مشیر اطلاعات و تعلقات عامہ بیرسٹر ڈاکٹر سیف نے کہا ہے کہ 26نومبر کو بغضِ عمران میں جعلی حکومت نے فسطائیت کی انتہا کردی، حساب دینا ہوگا۔ اس صورتحال میں سانحہ ڈی چوک پر انسانی حقوق کی قومی اور بین الاقوامی تنظیموں کی خاموشی سمجھ سے بالاتر ہے۔
انہوں نے کہا کہ جعلی حکومت نے 26 نومبر کو انسانی حقوق کی پامالی کی نئی داستان رقم کی ہے، مسلم لیگ نون ہر دور میں معصوم جانوں کو نگلنے کی روایت پر عمل کرتی رہی ہے، ماڈل ٹاؤن میں حاملہ خواتین پر سیدھی گولیاں چلانا نون لیگ کے ریکارڈ کا حصہ ہے۔
بیرسٹر ڈاکٹر سیف نے بتایا کہ معصوم جانیں نگلنے کے ذریعے اقتدار کو طول دینا مسلم لیگ نون کا وطیرہ ہے، جعلی حکومت کو سانحہ ڈی چوک کا پورا پورا حساب دینا ہوگا، 26 نومبر کو بغضِ عمران میں جعلی حکومت نے فسطائیت کی انتہا کردی ہے، نہتے کارکنوں کے خون کے ایک ایک قطرے کا حساب لیا جائے گا۔
ان کا کہنا تھا کہ سانحہ ڈی چوک حقیقی آزادی کا پیش خیمہ ثابت ہوگا، اس دن جعلی حکومت نے جو کیا اس کا حساب اسے ضرور دینا ہوگا۔ مشیر اطلاعات و تعلقات عامہ بیرسٹر ڈاکٹر سیف نے کہا ہے کہ 26نومبر کو بغضِ عمران میں جعلی حکومت نے فسطائیت کی انتہا کردی.
