ویب ڈیسک: پاکستان تحریک انصاف کے رہنما اور قومی اسمبلی میں قائد حزب اختلاف عمر ایوب نے بانی پی ٹی آئی سے ملاقات نہ کرائے جانے کے حوالے سے کہا ہے کہ واقعی اگر حکومت اختیارمند ہے تو عمران خان سے ہماری ملاقات کرائے، عمران خان سے ملاقات نہ کرا کر حکومت اپنی بات سے مکر رہی ہے۔
جوڈیشل کمپلیکس اسلام آباد میں میڈیا سے گفتگو کرتے ہوئے عمر ایوب کا کہنا تھا کہ مذاکرات سے متعلق ہمارے 3 مطالبات ہیں، جن میں 9 مئی اور 26 نومبر کا جوڈیشل کمیشن اور کارکنان کی رہائی سرفہرست ہیں۔
قومی اسمبلی میں قائد حزب اکتلاف کا کہنا تھا کہ ہم عمران خان سے ملاقات چاہتے ہیں لیکن ملاقات کرائی نہیں جا رہی، ہمیں بتایا گیا ہے کہ ملاقات کرانا جیل مینوئل میں شامل نہیں، عمران خان سے ملاقات نہ کرا کر حکومت اپنی بات سے مکر رہی ہے۔
