ویب ڈیسک: پاکستان تحریک انصاف کے سینیٹر سیف اللہ ابڑو کیخلاف نااہلی ریفرنس خارج کر دیا گیا۔ الیکشن کمیشن کی جانب سے اس حوالے سے محفوظ فیصلہ سناتے ہوئے سینیٹر شہادت اعوان اور ماجد محمود کی درخواست بھی خارج کر دی گئی۔
الیکشن کمیشن آف پاکستان میں تحریک انصاف کے رہنما سینیٹر سیف اللہ ابڑو کی نااہلی کیلئے دائر ریفرنس پر چیف الیکشن کمشنر سکندر سلطان راجہ کی سربراہی میں 3 رکنی بنچ نے سماعت کی۔
الیکشن کمیشن نے 7 جنوری کو پی ٹی آئی کے سینیٹر سیف اللہ ابڑو کیخلاف نااہلی ریفرنس پر فیصلہ محفوظ کیا تھا، ریفرنس چیئرمین سینیٹ یوسف رضا گیلانی نے الیکشن کمیشن کو بھجوایا تھا۔ یوسف رضا گیلانی کی جانب سے بھجوائے گئَے ریفرنس میں کہا گیا تھا کہ زیرِ التو نیب ریفرنس کے ہوتے ہوئے سیف اللہ ابڑو ٹیکنوکریٹ سیٹ کیلئے مطلوب تقاضوں پر پورا نہیں اُترتے۔
چیئرمین سینیٹ نے کہا تھا کہ آرٹیکل 63 (2) کے تحت میں یہ سوال آرٹیکل 63 کی شق (3) کے تحت الیکشن کمیشن کو دیتا ہوں، الیکشن کمیشن فیصلہ کرے کہ کیا سینیٹر سیف اللہ ابڑو سینیٹ کی رکنیت کیلئے نا اہل ہوگئے ہیں۔
یا درہے کہ چیئرمین سینیٹ کی جانب سے بھیجا گیا نااہلی ریفرنس خارج کر دیا گیا۔ الیکشن کمیشن نے سینیٹر شہادت اعوان اور ماجد محمود کی درخواست بھی خارج کر دی گئی۔ ریفرنس پر چیف الیکشن کمشنر سکندر سلطان راجہ کی سربراہی میں 3 رکنی بنچ نے سماعت کی تھی۔
