ویب ڈیسک: ایران کا غیرقانونی افغان پناہ گزینوں کو ملک چھوڑنے کا حکم، ایسا نہ کرنے والوں کو گرفتار کر کے ملک بدر کر دیا جائے گا۔
تفصیلات کے مطابق ایران نے قانونی دستاویزات نہ رکھنے والے افغان پناہ گزینوں کیلئے ملک چھوڑنے کا حکم جاری کر دیا۔ گورنر تہران محمد صادق نے اس حوالے سے بتایا ہے کہ ایران میں غیرقانونی طور پر مقیم افغان پناہ گزینوں کو ملک بدر کرنے کا کام تیز کر دیا گیا ہے۔
انہوں نے کہا کہ ایران میں مقیم غیر قانونی افغانی خود واپس افغانستان چلے جائیں، ایسا نہ کرنے والوں کو گرفتار کر کے ملک بدر کر دیا جائے گا۔ دستاویزات نہ رکھنے والے افغان پناہ گزین قانونی طور پر واپسی کے لیے حکومت کے متعین کردہ مراکز پر رابطہ کریں۔
انہوں نے مزید بتایا ہے کہ حکومت کی جانب سے جاری ہونے والے حکم نامہ پر عمل درآمد نہ کرنے والوں کو گرفتار کر کے زبردستی ڈی پورٹ کیا جائَ گا، اس سلسلے میں اقدامات کیے جائیں گے۔
