ویب ڈیسک: دہشت گردوں نے خیبر پختونخوا کے ضلع لکی مروت سے 17سویلین ورکرز کو اغواء کرلیا ۔
سکیورٹی ذرائع کے مطابق دہشت گردوں نے ضلع لکی مروت کے علاقہ کبل خیل سے 17سویلین ورکرز کو بھتہ غوری کے لئے اغواء کرلیا ہے جوکہ نہتے ورکرز تھے ۔
سکیورٹی ذرائع نے مزید بتایا کہ فتنہ الخوارج کے دہشت گردوں نے سویلین ورکرز کو اغوا کرنے کے بعد وہاں کے مقامی ٹھیکیدار کی گاڑی کو بھی آگ لگا دی۔
ذرائع نے بتایا کہ سکیورٹی فورسز اور قانون نافذ کرنے والے اداروں نے کارروائی کرتے ہوئے اب تک 8مغوی ورکرز کو با حفاظت باز یاب کروا لیا جبکہ باقی نہتے ورکرز کو بھی جلد باز یاب کروا لیا جائے گا۔
سیکورٹی ذرائع کا کہنا ہے کہ فتنہ الخوارج کی پاکستان اور عوام دشمن بیہمانہ کارروائیوں کا دین اور اسلامی اقدار سے کوئی تعلق نہیں۔
سکیورٹی ذرائع کے مطابق آپریشن جاری ہے، بیہمانہ اقدام کرنے والے عناصر کو کیفر کردار تک پہنچایا جائے گا۔
