ویب ڈیسک: خیبر پختونخوا پولیس میں بڑے پیمانے پر تقرریاں و تبادلوں کے احکامات جاری کردیئے گئے ۔
آئی جی پی خیبر پختونخوا کے دفتر سے اجری اعلامیہ کے مطابق مسعود احمد ایس ایس پی آپریشنز پشاور جبکہ ڈی پی او صوابی ہارون رشید خان چیف ٹریفک آفیسر پشاور تعینات کردیئے گئے ۔
اعلامیہ کے مطابق ڈپٹی کمانڈنٹ ایلیٹ فورس خیبرپختونخوا عبد الرشید خان ڈی پی او نوشہرہ ،چیف ٹریفک آفیسر سعود خان ڈی پی او بونیر تعینات جبکہ محمد اظہر کو ڈی پی او نوشہرہ سے ڈی پی او صوابی تعینات کیا گیا ۔
شاہ حسن ڈی پی او بونیر سے ڈپٹی کمانڈنٹ ایلیٹ فورس خیبرپختونخوا ،پی ایس او ٹو آئی جی پولیس سلیمان ظفر ڈی پی او چارسدہ مقرر کئے گئے ۔
جاری اعلامیہ کے مطابق افتخار علی ایس پی انوسٹی گیشن صوابی سے پرنسپل ای پی ٹی سی نوشہرہ تعینات کردیئے گئے ۔
