ویب ڈیسک: ملک میں مہنگائی میں اضافہ ریکارڈ کیاگیا جس کے مطابق ایک ہفتے کے دوران 18اشیائے ضروریہ کی قیمتیں بڑھ گئی ہیں ۔
وفاقی ادارہ شماریات کی جانب سے ہفتہ وار بنیادوں پر جاری مہنگائی کے اعداد و شمار کے مطابق ایک ہفتے کے دوران 18 اشیائے ضروریہ کی قیمتوں میں اضافہ ریکارڈ کیا گیا۔
ملک میں گزشتہ ایک ہفتے کے دوران دال مونگ 2.56 فی صد مہنگی ہوئی، پانچ لیٹر کوکنگ آئل 1.56 فی صد، چینی 1.23 فی صد، گھی، بریڈ، لہسن، جلانے کی لکڑی مہنگی ہونے والی اشیا میں شامل ہیں۔
رپورٹ میں بتایا گیا ہے کہ مہنگائی بڑھنے کی شرح سالانہ بنیادوں پر 1.90 فیصد پر آگئی ہے اور ایک ہفتے کے دوران 10 اشیا کی قیمتوں میں کمی جب کہ 23 اشیا کی قیمتیں مستحکم رہیں۔
گزشتہ ہفتے ٹماٹر کی فی کلو قیمت 31.40 فیصد کم ہوئی، اسی طرح آلو 10.36 فیصد سستے ہوئے۔
ایک ہفتے میں انڈے 5.96 فیصد اور دال چنا 1.64 فیصد سستی ہوئی۔ ان کے علاوہ پیاز، چاول، دال ماش بھی سستی ہونے والی اشیا میں شامل ہیں۔
