ویب ڈیسک: حما س کے ساتھ غزہ میں ہونے والی جھڑپوں کے دوران مزید 4اسرائیلی فوجی ہلاک ہو گئے ۔
اسرائیلی میڈیا کے مطابق غزہ میں حماس کے ساتھ جاری لڑائی کے دوران 4اسرائیلی فوجی مارے گئے ہیں جبکہ 6سپاہی زخمی بھی ہوئے۔
رپورٹ کے مطابق اسرائیلی دفاعی فورسز نے سپاہیوں کے مارے جانے کی تصدیق کرتے ہوئے بتایا کہ فوجیوں کو حماس کی جانب سے دھماکہ خیز مواد سے نشانہ بنایا گیا جبکہ فائرنگ کے تبادلے میں بھی فوجی ہلاک اور زخمی ہوئے۔
اسرائیلی میڈیا کا بتانا ہے کہ ہلاک ہونے والوں کی عمریں 19 سے 37 سال کے درمیان ہیں جبکہ زخمی ہونے والے 2 فوجیوں کی حالت تشویشناک بتائی جارہی ہے۔
