لاس اینجلس میں لگی آگ

لاس اینجلس میں لگی آگ پر قابو نہ پایا جاسکا، ہلاکتیں16ہو گئیں

ویب ڈیسک: امریکی شہر لاس اینجلس میں گزشتہ دنوں سے لگی تاریخ کی بدترین آگ پر قابو نہ پایا جاسکا جس کے باعث اب تک ہونے والی ہلاکتوں کی تعداد 16ہو گئیں ۔
غیر ملکی خبر ایجنسی کی رپورٹ کے مطابق دنیا کے مہنگے ترین شہر میں لگی آگ کی لپیٹ میں آکر12ہزار سے زائد مکان اور عمارتیں راکھ کا ڈھیر بن گئیں ، 2 لاکھ سے زائد افراد نقل مکانی پر مجبور ہوگئے۔
کچھ علاقوں میں فوری انخلا کے نئے احکامات جاری کردیے گئے ، رپورٹس کے مطابق اس آگ میں 16افراد ہلاک اور سینکڑوں زخمی ہوگئے، 13 افراد تاحال لاپتہ ہیں جن کی تلاش کا کام جاری ہے۔
لاس اینجلس کانٹی میں ہیلتھ ایمرجنسی نافذ کردی گئی ہے جبکہ تیز ہوائوں سے آگ مزید پھیلنے کا خدشہ ہے جس کے تحت ریڈ فلیگ وارننگ جاری کردی گئی۔
غیر ملکی خبر رساں ادارے کے مطابق ہالی وڈ ستاروں Mark Hamill ، Mandy Moore اور James Woods کو بھی اپنے پرتعیش گھر چھوڑنا پڑے ، لوٹ مار کی وارداتوں پر متاثرہ علاقوں میں رات کے وقت کرفیو نافذ کردیا گیا ہے۔
12 ہزار سے زائد فائر فائٹرز، ساڑھے 1100 فائر انجن، 60 طیارے اور 143 واٹر ٹینکر آگ بجھانے کی کوششوں میں مصروف ہیں، اس کے علاوہ میکسیکو اور کینیڈا نے بھی مدد فراہم کرنے کا اعلان کیا ہے۔

مزید پڑھیں:  اسلام آباد ہائیکورٹ کے دو ججز چھٹی پر چلے گئے، مقرر کیسز کی کاز لسٹ منسوخ