ویب ڈیسک: خیبرپختونخوا کلچر اینڈ ٹورازم اتھارٹی اور فرنٹیئر 4×4 کلب کے زیر اہتمام 13ویں سنو جیپ ریس کالام کا آغازہو گیا ۔
ترجمان ٹورازم اتھارٹی محمد سعد کے مطابق ریس کالام کے شاہی گرائونڈ پر منعقد کی گئی جس کے لئے اپر سوات ڈیویلپمنٹ اتھارٹی اور پاک آرمی کا تعاون بھی حاصل ہے۔
جیپ ریس کیلئے 4کلومیٹر کا ٹریک بنایا گیا ہے جس میں 40سے زائد جیپیں حصہ لے رہی ہیں، ریس میں مرد ڈرائیورز کیساتھ ساتھ خواتین ڈرائیورز بھی ایکشن میں نظرآئیں گی ۔
جیپ ریس 4کیٹیگریز پر مشتمل ہے، کیٹیگریز میں زیرو ٹو 2500 سی سی، 2500 ٹو اوپن، ونٹیج اور لیڈیز کیٹیگری شامل ہے۔
