یرسٹر محمد علی سیف پیر پگاڑا ملاقات

بیرسٹر محمد علی سیف کی پیر پگاڑا سے ملاقات،عمران خان کا پیغام پہنچایا

ویب ڈیسک: اپوزیشن اتحاد کے حوالے سے اہم سیاسی پیش رفت سامنے آئی ہے، مشیر اطلاعات خیبر پختونخوا بیرسٹر محمد علی سیف نے پیر پگاڑا سے ملاقات کرکے عمران خان کا پیغام پہنچایا ۔
مشیر اطلاعات خیبرپختونخوا اور رہنما پی ٹی آئی بیرسٹر ڈاکٹر سیف نے گرینڈ ڈیموکریٹک الائنس سربراہ پیر پگارا کی لاہور میں ہونے والی ملاقات میں سینئر سیاستدان محمد علی درانی بھی موجود تھے۔
اس موقع پر سربراہ گرینڈ ڈیمو کریٹک الائنس پیر پگارا نے بانی پی ٹی آئی عمران خان کیلئے نیک تمنائوں اور خیرسگالی کا پیغام پہنچایا۔
بیرسٹر ڈاکٹر سیف نے سابق وزیراعظم عمران خان کی طرف سے پیر پگارا اور جی ڈی اے کی قیادت کے لئے نیک تمناؤں کا پیغام پہنچایا۔
ملاقات کے دوران قائدین کی سیاسی صورتحال اور مستقبل کی حکمت عملی کے حوالے سے اہم مشارت ہوئی، پی ٹی آئی اور جی ڈی اے نے ملک کو درپیش مسائل کے حل کے لئے مشاورت پر اتفاق کیا، اجلاس میں مستقبل میں رابطوں کو مزید بڑھانے پر بھی اتفاق کیا گیا۔
بیرسٹر سیف نے علی امین گنڈا پور کی طرف سے نیک تمناؤں کا پیغام دیا جس پر پیر پگارا نے ان کیلئے جوابی خیر سگالی کے جذبات کا اظہار کیا۔
پیر پگارا نے اپوزیشن کو قریب لانے میں محمد علی درانی کے کردار کو سراہا اور کہا کہ اپوزیشن جماعتوں میں باہمی رابطوں کیلئے وہ اپنا کردار مزید بڑھائی۔
بیرسٹر سیف نے پارٹی قیادت کی جانب سے اپوزیشن جماعتوں میں رابطوں کے حوالے سے محمد علی درانی کی کاوشوں کی تحسین کی۔

مزید پڑھیں:  رستم میں محکمہ صحت کے ریٹائرڈ اہلکار نے خودکشی کر لی