ویب ڈیسک: غزہ میں جنگ بندی کیلئے امریکہ ، مصر اور قطر کی جانب سے ثالثی کی کوششیں جاری ہیں۔
غیر ملکی میڈیا رپورٹس کے مطابق نو منتخب امریکی صدر ڈونلڈ ٹرمپ کے خصوصی نمائندہ برائے مشرق وسطی اسٹیووٹکوف نے اسرائیل کا دورہ کیا۔
ڈونلڈ ٹرمپ کے نمائندے نے وزیراعظم نیتن یاہو سے ملاقات کی جس میں غزہ جنگ بندی معاہدہ کرنے پر بات چیت کی گئی۔
اسرائیلی وزیراعظم نیتن یاہو نے جنگ بندی مذاکرات کیلئے موساد کے سربراہ کو قطر بھیج دیا، اسرائیل کے فوجی اور سیاسی مشیر بھی قطر پہنچ رہے ہیں، موساد سربراہ قطری حکام سے جنگ بندی سے متعلق بات کریں گے۔
اسرائیلی حکام کا کہنا ہے کہ جنگ بندی مذاکرات میں پیشرفت کا امکان ہے، جنگ بندی مذاکرات کے بعد فوجیوں کا انخلا یقینی بنایا جائے گا۔
