ویب ڈیسک: نیوزی لینڈ نے پاکستان میں سہ فریقی سیریز اور چیمپئنز ٹرافی کیلئے اپنی ٹیم کا اعلان کردیا ہے ۔
میڈیا رپوٹس کے مطابق پاکستان میں ہونے والی سہ فریقی سیریز اور چیمپئنز ٹرافی کے لیے نیوزی لینڈ کی ٹیم کا اعلان کردیا گیا ہے،ٹیم کی قیادت مچل سینٹنر کریں گے جبکہ اسکواڈ میں کین ولیمسن اور ڈیرل مچل کو بھی شامل کیا گیا ہے۔
مائیکل بریسویل، مارک چیپمین، ڈیون کونوے، لوکی فرگوسن، میٹ ہینری ، ٹام لیتھم اور گلین فلپس بھی پاکستان میں ہونیوالے میگا ایونٹ کے لیے نیوزی لینڈ اسکواڈ کا حصہ ہونگے۔
اس کے علاوہ ول او رورکی، رچن روندرا، بین سیئرز، نیتھن اسمتھ اور ول ینگ بھی نیوزی لینڈ ٹیم کا حصہ ہونگے۔
واضح رہے سہ فریقی سیریز میں نیوزی لینڈ کی ٹیم 8 فروری کو پاکستان، 10 فروری کو ساتھ افریقا سے مقابلہ کرے گی جبکہ سیریز کا فائنل 14 فروری کو کراچی میں کھیلا جائے گا۔
چیمپینز ٹرافی سے قبل نیوزی لینڈ کی ٹیم 16 فروری کو کراچی میں افغانستان سے وارم اپ میچ کھیلے گی جبکہ چیمپینز ٹرافی کا افتتاحی میچ 19 فروری کو کراچی میں پاکستان اور نیوزی لینڈ کے درمیان ہوگا۔
