ویب ڈیسک: پی ٹی آئی رہنما شیر افضل مروت نے کہا ہے کہ سلمان اکرم راجہ کے معاملے پر میں نے پارٹی کو کمٹمنٹ دی کہ مزید تنازع کھڑا نہیں کروں گا لیکن کسی کو یہ حق نہیں کہ میڈیا پر بیٹھ کر میرے خلاف بیانات دے۔
پاکستان تحریک انصاف میں اختلافات کے حوالے سے خاموشی توڑتے ہوئے شیر افضل مروت کا کہنا تھا کہ اگر کوئی میرے خلاف باتیں کرے گا تو مجھ سے خاموشی کی توقع نہیں رکھے۔
انہوں نے کہا کہ سلمان اکرم راجہ کے معاملے پر میں نے پارٹی کو کمٹمنٹ دی کہ مزید تنازع کھڑا نہیں کروں گا لیکن کسی کو یہ حق نہیں کہ میڈیا پر بیٹھ کر میرے خلاف بیانات دے۔
انہوں نے کہا کہ کچھ لوگوں کو میرے حوالے سے لوگوں کی محبت برداشت نہیں ہو رہی ہے، ہماری پارٹی میں پریشرگروپس ہیں، بانی پی ٹی آئی کے کان بھرے جاتے ہیں لیکن میں کبھی بانی پی ٹی آئی کے پاس گروپنگ کرنے کے لیے نہیں گیا۔
انہوں نے مزید کہا کہ مجھے پبلک اکانٹس کمیٹی کاچیئرمین نامزد کیا،وہ بھی واپس لے لیا، مجھے پارٹی کی خاطر وکالت بھی چھوڑنی پڑی، بانی پی ٹی آئی کے علاوہ کوئی اورمیرا باس بننیکی کوشش نہ کرے۔
شیر افضل مروت نے کہا کہ پی ٹی آئی بڑے تحمل کا مظاہرہ کر رہی ہے، حکومت کی طرف سے بد مزگی پیدا کرنے کی کوشش کی جا رہی ہے، لیکن جب مذاکرات کی ٹیبل پر بیٹھیں گے تو ماحول بہتر ہو جائے گا۔
