ویب ڈیسک: شمالی وزیرستان میں سکیورٹی فورسز نے دو مختلف کارروائیاں کیں جس کے نتیجے میں 9دہشت گرد ہلاک جبکہ 4کو گرفتار کیا گیا ۔
پاک فوج کے شعبہ تعلقات عامہ کے مطابق 11جنوری کو سیکیورٹی فورسز نے دہشت گردوں کی موجودگی کی انٹیلی جنس بنیاد پر ملنے والی اطلاع کے بعد دوسالی کے علاقے میں آپریشن کیا ۔
آپریشن میں دہشت گردوں کے ٹھکانے کو موثر انداز سے نشانہ بنایااس دوران فائرنگ کے تبادلے میں 6دہشت گردوں کو ہلاک جبکہ 2کو زخمی حالت میں گرفتار کیا گیا ۔
سیکورٹی فورسز نے دوسری کاروائی ایشام میں کی جہاں فائرنگ کے تبادلے میں 3دہشت گرد کئے گئے جبکہ اس دوران 2کو زخمی حالت میں گرفتار کیا گیا ۔
آئی ایس پی آر کے مطابق ہلاک دہشت گردوں کے قبضے سے اسلحہ، گولہ بارود اور دھماکا خیز مواد برآمد ہوا، مارے گئے خوارج عام شہریوں اور سیکیورٹی فورسز پر حملوں و ٹارگٹ کلنگ کی متعدد وارداتوں میں ملوث تھے۔
اعلامیے کے مطابق دہشت گردوں کے خاتمے کیلیے علاقے میں سرچ آپریشن جاری ہے جبکہ سیکیورٹی فورسز ملک سے دہشت گردی کے خاتمے کیلیے پرعزم ہیں۔
