ویب ڈیسک: جنگ بندی مذاکرات کے باوجود بھی اسرائیلی بربریت میں کمی نہ آ سکی، غزہ میں پناہ گزین کیمپوں اور ہسپتالوں پر حملوں میں مزید 28فلسطینی شہید ہو گئے ۔
میڈیا رپورٹس کے مطابق اسرائیلی فورسز کے پناہ گزین کیمپوں، سکولوں اور ہسپتالوں پر حملے جاری رہے،24 گھنٹوں میں اسرائیلی حملوں میں 28فلسطینی شہید اور متعدد زخمی ہوگئے۔
دوسری جانب شمالی غزہ میں جبالیہ پناہ گزین کیمپ پر حملے میں بچوں سمیت 8 فلسطینی شہید ہوئے۔
غزہ میں جاری جنگ کے دوران اب تک شہدا کی مجموعی تعداد 46 ہزار 565 ہوگئی، 1 لاکھ 9 ہزار 660 فلسطینی زخمی ہو چکے ہیں۔
مقبوضہ مغربی کنارے میں اسرائیلی فوج کی کارروائی بھی جاری رہی، درجنوں فلسطینی نوجوانوں کو گرفتار کرلیا۔
حماس کے بیت حانون میں اسرائیلی فوجی گاڑی پر حملے میں 4 اسرائیلی فوجی ہلاک جبکہ 5 زخمی ہوگئے۔
