ٹل پارا چنار شاہراہ کی بندش

ٹل پارا چنار شاہراہ کی بندش کو 100روز مکمل،شہری فاقوں پرمجبور

ویب ڈیسک: کرم میں ٹل پارا چنار مرکزی شاہراہ کی بندش کو 100روز مکمل ہو گئے ہیںجس کے باعث اشیائے ضروریہ کا فقدان جبکہ شہری فاقوں پر مجبور ہیں۔
سڑکوں کی بندش کے باعث علاقے میں پٹرول اور ڈیزل کی قلت، بجلی کی لوڈ شیڈنگ کے باعث شہریوں کو پانی کی فراہمی میں بھی مشکلات کا سامنا ہے۔
اس حوالے سے تحفظ تنظیم ملت کی صدر مسرت منتظر کا کہنا ہے کہ ادویات کی عدم دستیابی اور معیاری علاج نہ ملنے سے بچوں سمیت 300 سے زائد افراد جاں بحق ہوچکے ہیں۔
تحصیل چیئرمین مزمل حسین کا کہنا ہے کہ علاج نہ ملنے کی وجہ سے ایک اور پھول جیسا بچہ کل دم توڑ گیاراستوں کی طویل بندش کے باعث پاراچنار میں آج شٹر ڈائون ہڑتال کا اعلان کیا گیا ہے۔
صدر ٹریڈ یونین حاجی امداد حسین کا کہنا ہے کہ آج شہر کے تمام کاروباری مراکز اور دکانیں بند رہیں گے، جب تک کانوائے نہیں آتا بازار بطور احتجاج بند رہے گا،ٹل میں 160 گاڑیاں ابھی بھی کانوائے کیلئے انتظار میںہیں۔
دوسری جانب مندوری میں دھرنا آج بھی جاری ہے، شرکا کا کہنا ہے کہ مطالبات نہ ماننے تک دھرنا جاری رہے گا۔
شرکا کا مطالبہ ہے کہ بگن متاثرین کیلئے ریلیف پیکج دیا جائے۔ضلعی انتظامیہ کا کہنا ہے کہ روڈ کو محفوظ بنانے کیلئے کوششیں جاری ہیں۔

مزید پڑھیں:  سٹاک ایکسچینج میں مندی، انڈیکس 2500 پوائنٹس کمی سے 1لاکھ 9ہزار 400پر آ گیا