ویب ڈیسک: بانی پی ٹی آئی عمران خان کی ہدایت پر پاکستان تحریک انصاف نے اپنے تین مرکزی رہنمائوں کے خلاف کارروائی کا فیصلہ کرلیا ۔
پارٹی ذرائع کے مطابق ممبر قومی اسمبلی شیر افضل مروت کو ڈی نوٹیفائی کرنے کی تیاری شروع کردی گئی جبکہ رکن قومی اسمبلی علی محمد خان اور شاندانہ گلزار کو بھی شوکاز نوٹس جاری کیا جائے گا ۔
ذرائع نے دعویٰ کیا ہے کہ رکن قومی اسمبلی علی محمد خان اور شاندانہ گلزار پر پارٹی کے اندرونی معاملات کو لیک کرنے کے الزامات ہیں ۔
پارٹی ذرائع کے مطابق ممبران کے خلاف پارٹی ڈسپلن کی خلاف ورزی کی شکایت موصول ہوئی تھی۔
ذرائع کا کہنا ہے کہ ممبران کے خلاف کارروائی بانی پی ٹی آئی عمران خان کی ہدایت پر کی جارہی ہے ۔
