190ملین پاؤنڈ کیس کا فیصلہ موخر

190ملین پاؤنڈ کیس کا فیصلہ موخرہونا کسی ڈیل کا حصہ نہیں،بیرسٹرگوہر

ویب ڈیسک: پاکستان تحریک انصاف کے مرکزی چیئرمین بیرسٹر گوہر نے کہا ہے کہ احتساب عدالت کے جج کی جانب سے 190ملین پاؤنڈ کیس کا فیصلہ موخر ہونا کسی ڈیل کا حصہ نہیں ہے ۔
اڈیالہ جیل کے باہر میڈیا سے گفتگو کرتے ہوئے بیرسٹر نے عمران خان اور بشری ٰبی بی کے خلاف متوقع فیصلہ موخر کئے جانے پر ردعمل دیتے ہوئے کہا کہ ہم تو ذہنی طور پر تیار تھے کہ آج فیصلہ سنایا جانا ہے، فیصلے کے لیے ہم تیار ہو کر آئے تھے، ہمیں نہیں پتا جج اتنی جلدی میں کیسے چلے گئے-
بیرسٹر گوہر نے کہا کہ القادر ٹرسٹ کا مقصد بانی پر پریشر بنانا تھالیکن عمران خان ہرگز ان کے پریشر میں آنے والے نہیں ہیںآج کا فیصلہ موخر ہونے کی وجہ ہم نہیں ہیں، جج صاحب نے خود وقت سے قبل ہی فیصلہ موخر کر دیا۔
انہوں نے کہا کہ تاثر دیا جارہا ہے کہ ڈیل ہورہی ہے، کوئی ڈیل نہیں ہورہی، مذاکراتی عمل جاری ہے، تیسرا دور 15 جنوری کو ہوگا۔

مزید پڑھیں:  دیربالا، فیلڈر گاڑی کھائی میں جا گری، 6 افراد زخمی