قومی اسمبلی کا اجلاس آج

قومی اسمبلی کا اجلاس آج ہو گا، 10نکاتی ایجنڈا جاری

ویب ڈیسک: قومی اسمبلی کا اجلاس آج شام پانچ بجے ہو گاجس کے لئے قومی اسمبلی سیکرٹریٹ نے دس نکاتی ایجنڈا جاری کر دیا۔
جاری ایجنڈے کے مطابق وفاقی وزیر قانون اعظم نذیر تارڑ قومی کمیشن برائے انسانی حقوق ترمیمی بل ایوان میں پیش کریں گے، قومی کمیشن برائے مقامِ خواتین ترمیمی بل بھی ایجنڈے میں شامل ہے۔
وزیر خزانہ محمد اورنگزیب دوسرے این ایف سی ایوارڈ پہ عملدرآمد کی ششماہی نگرانی رپورٹ ایوان کے سامنے رکھیں گے، انسانی سمگلنگ مافیا کے خلاف اقدامات سے متعلق توجہ دلا نوٹس ایجنڈا کا حصہ ہے۔
ضرورت مند افراد کو مفت یا رعایتی علاج کی فراہمی میں ناکامی سے متعلق توجہ دلا نوٹس بھی ایوان میں پیش کیا جائے گا۔

مزید پڑھیں:  ٹرمپ پیوٹن ٹیلیفونک رابطے کا انکشاف، یوکرین جنگ خاتمے پر بات چیت