ویب ڈیسک: پاکستان سپر لیگ(پی ایس ایل)کے دسویں ایڈیشن کا پلیئرز ڈرافٹ آج ہو گا جس کے لئے ایونٹ کی 6فرنچائزز اپنی اپنی ٹیمیں تشکیل دیں گی۔
پاکستان سپر لیگ کے 10ویں ایڈیشن کا ڈرافٹ آج حضوری باغ لاہور میں ہوگا جہاں تمام6 فرنچائززپلاٹینم، ڈائمنڈ ،گولڈ، سلور، ایمرجنگ اور سپلی منٹری کیٹیگری میں کھلاڑیوں کا انتخاب کرکے اسکواڈز کو حتمی شکل دیں گی۔
پاکستان سپر لیگ کے دسویں ایڈیشن کے ڈارفٹ کے لیے دنیا بھر سے معروف کرکٹرز نے رجسٹریشن کرا رکھی ہے ۔
نیوزی لینڈ کے کین ولیمسن، ڈیرل مچل، ٹم ساتھی، مارک چیپ مین ، آسٹریلیا کے ڈیوڈ وارنر،عثمان خواجہ،میتھیو شارٹ ، شان ایبٹ جبکہ انگلینڈ کے جیسن روئے ، ایلکس ہیلز، زیک کرولی، بنگلا دیش کے مستفیض الرحمان ، شکیب الحسن اور افغانستان کے مجیب الرحمان سمیت بڑی تعداد میں غیرملکی کھلاڑی ڈرافٹ میں شامل ہیں۔
