ویب ڈیسک: چیئرمین سینیٹ سید یوسف رضا گیلانی نے پی ٹی آئی کے سینیٹر اعجاز احمد چوہدری کے پروڈکشن آرڈرز جاری کردیئے۔
تفصیلات کے مطابق چیئرمین سینٹ سید یوسف رضا گیلانی کی جانب سے پروڈکشن آرڈرز جاری ہونے کے بعد سینیٹر اعجاز احمد چوہدری کل ہونے والے سینیٹ کے اجلاس میں شرکت کریں گے۔
یاد رہے کہ گزشتہ ماہ سینیٹر اعجاز چوہدری کے پروڈکشن آرڈر کے لئے خط سینیٹ سیکرٹریٹ میں جمع کروادیا گیا تھا۔
اعجاز چوہدری نے اپنے وکیل بابر اعوان کے ذریعے جمع کرائے گئے خط میں چیئرمین سینیٹ کو پروڈکشن آرڈر جاری کرنے کا کہا تھا۔
خط میں کہا گیا تھا کہ اعجاز چوہدری سینیٹ کے ممبر ہیں جن کو ڈیڑھ سال سے کسی اجلاس میں پیش نہیں کیا گیا۔
یاد رہے کہ اعجاز چوہدری کو 9مئی 2023کو جلاؤ گھیراؤ کے مقدمات میں گرفتار کیا گیا تھا۔
