ٹل پارا چنار روڈکو محفوظ بنانے

ٹل پارا چنار روڈکو محفوظ بنانے کیلئے پولیس اہلکاروں کی بھرتی شروع

ضلع کرم کی مرکزی شاہراہ ٹل پارا چنار روڈ کو محفوظ بنانے کے لئے پولیس اہلکاروں کی بھرتی کا عمل شروع کردیا گیا۔
سرکاری ذرائع کے مطابق ٹل پارا چنار روڈ محفوظ بنانے کے لیے پولیس اہلکاروں کی بھرتیوں کا عمل شروع کردیا گیا ہے اور اسپیشل پروٹیکشن فورس کی بھرتی کا عمل رواں ماہ کے آخر تک مکمل کرلیا جائیگا۔
ذرائع کا بتانا ہے کہ صوبائی کابینہ نے بھرتیوں اور محکمہ خزانہ نے فنڈز کی منظوری دے دی ہے جس کے تحت 399 اہلکاروں کو ڈیڑھ سال کیکنٹریکٹ پر بھرتی کیا جائیگا جب کہ بھرتیاں ریجنل پولیس افسر کوہاٹ کریں گے۔
ذرائع کا کہنا ہے کہ اہلکاروں کی عمر کی حد 45 سال تک مقرر کی گئی ہے، فورس میں 350 سپاہی اور 49 حوالدار بھرتی کیے جائیں گے، بھرتیاں سکیورٹی فورسز اور ایف سی کے سابق اہلکاروں سے کی جائیں گی، اسپیشل پروٹیکشن فورس کو جدید اسلحہ بھی فراہم کیا جائے گا۔

مزید پڑھیں:  سہ ملکی سیریز: پاکستان جنوبی افریقا کو شکست دیکرفائنل میں پہنچ گیا