افغان جاسوس ہلاک

فورسز کی پاک افغان سرحد کے قریب کارروائی،افغان جاسوس ہلاک

ویب ڈیسک: پاکستان کی سکیورٹی فورسز نے پاک افغان سرحد کے قریب کامیاب کارروائی کے دوران افغان جاسوس کو ہلاک کردیا ۔
ذرائع کے مطابق فورسز نے11جنوری کوپاک افغان سرحد کے قریب آپریشن کرتے ہوئے افغانستان فرار ہوتے ہوئے افغان جاسوس کو ہلاک کردیا،ہلاک دہشتگرد کی شناخت محمد خان احمد خیل ولد حاجی محمد قاسم داوراں خان کے نام سے ہوئی۔
سکیورٹی ذرائع نے بتایا کہ48سالہ دہشتگرد محمد خان عرف عبداللہ افغان صوبے پکتیکا کا رہائشی تھا، ہلاک افغان دہشتگرد سے افغان شناختی کارڈ بھی برآمد کرلیا گیا۔
کہ ہلاک دہشتگرد محمد خان عرف عبداللہ افغان خفیہ ایجنسی کیلئے پاکستان میں کام کررہا تھا، دہشتگرد محمد خان افغانستان سیاسلحہ اور گولہ بارود پاکستان کے قلعہ سیف اللہ، ژوب اور لورالائی میں دہشت گردوں کو سمگل کرتا تھا، سمگل شدہ اسلحہ پاکستان میں دہشتگرد حملوں میں استعمال ہوتا تھا۔
دفاعی ماہرین نے کہا کہ گزشتہ کافی عرصے سے پاکستان میں ہونے والی دہشتگردی کے تانے بانے افغانستان سے ملتے ہیں،پاکستان نے متعدد بار افغان عبوری حکومت کو دہشتگردی کے حوالے سے ثبوت فراہم کیے لیکن افغان حکومت خارجی دہشت گردوں کیخلاف کوئی موثر اقدام اٹھانے میں ناکام رہی ہے۔

مزید پڑھیں:  خیبرپختونخوا حکومت: صحت سہولت کارڈ میں فری او پی ڈی کی سہولت کا اضافہ