مفت زمین سکیم لانے

مریم نواز کا مستحق افراد کیلئے مفت زمین سکیم لانے کا اعلان

ویب ڈیسک: وزیر اعلیٰ پنجاب مریم نواز نے مستحق اور نادار افراد کیلئے جلد مفت زمین سکیم لانے کا اعلان کردیا ۔
لاہور میں ہائوسنگ اسکیم کی افتتاحی تقریب سے خطاب کرتے ہوئے مریم نواز نے کہا کہ اپنا گھر اپنی چھت سکیم دنیا کی بہترین ہاؤسنگ سکیم ہے جس کے تحت سال بھر میں ایک لاکھ گھر بنانے منصوبہ ہے، 15 لاکھ روپے تک بلا سود آسان قرض دیا جائیگا۔
مریم نواز نے اس موقع پر اعلان کیا کہ پنجاب میں جن کے پاس زمین خریدنے کے پیسے نہیں ہیں انہیں 3مرلے کے مفت پلاٹ دیں گے۔
وزیراعلی پنجاب کا کہنا تھاکہ جیسے میں نے اپنے ڈی سیز، کمشنرز اور پولیس کیلیے پرفارمنس انڈیکیٹرز بنائے ہوئے ہیں ویسے ہی نواز شریف نے بھی میرے لیے پرفارمنس انڈیکیٹرز بنائے ہوئے ہیں، مجھے ہر روز گھر جاکرانہیں جواب دینا پڑتا ہے۔

مزید پڑھیں:  عمران خان کے وکیل فیصل چوہدری کی گرفتاری و رہائی