ویب ڈیسک: سکیورٹی فورسز نے بلوچستان کے علاقے کچی میں انٹیلیجنس بیسڈ آپریشن کرتے ہوئے27دہشت گرد ہلاک کردیئے ۔
پاک فوج کے شعبہ تعلقات عامہ کے مطابق سکیورٹی فورسز نے دہشت گردوں کی موجودگی کی اطلاع پر بھر پور کارروائی کی اور اس دوران دہشت گردوں کے ٹھکانے کا گھیراؤ کیا۔
آئی ایس پی آر کے مطابق شدید فائرنگ کے تبادلے میں 27دہشت گرد ہلاک ہوگئے جبکہ آپریشن کے دوران دہشتگردوں کے ٹھکانے، اسلحے اور گولہ بارود کو بھی تباہ کر دیا گیا ہے۔
آئی ایس پی آر نے بتایا کہ مارے گئے دہشت گرد فورسز اور شہریوں کے خلاف دہشت گردی کی کارروائیوں میں ملوث تھے اور قانون نافذ کرنے والے اداروں کو انتہائی مطلوب تھے۔
آئی ایس پی آر کا کہنا ہے کہ سکیورٹی فورسز بلوچستان کے امن، استحکام اور ترقی کو سبوتاژ کرنے کی کوششیں ناکام بنانے کے لیے پرعزم ہیں۔
