موٹروے مختلف مقامات سے بند

شدید دھند کے باعث حد نگاہ صفر ،موٹروے مختلف مقامات سے بند

ویب ڈیسک: شدید دھند اور حد نگاہ صفر ہونے کے باعث موٹر وے کومختلف مقامات سے ٹریفک کے لئے بند کردیا گیا ۔
موٹروے پولیس کے ترجمان سید عمران احمد کے مطابق موٹروے ایم 4 عبد الحکیم سے ملتان تک اور ایم 5 ملتان سے روہڑی تک دھند کے باعث بند کر دی گئی ہیں۔
موٹرویز کو عوام کی حفاظت اور محفوظ سفر کو یقینی بنانے کے لیے بند کیا جاتا ہے، کیونکہ دھند میں لین کی خلاف ورزی سے حادثات کا خطرہ بڑھ جاتا ہے۔
ترجمان نے روڈ یوزرز سے اپیل کی ہے کہ وہ دھند کے دوران لین ڈسپلن کو برقرار رکھیں اور زیادہ سے زیادہ دن کے اوقات میں سفر کریں۔ انہوں نے کہا کہ صبح 10 سے شام 6 بجے تک دھند کے موسم میں بہترین سفری اوقات ہیں۔
موٹروے پولیس کے ترجمان نے مزید کہا کہ ڈرائیور حضرات اپنی گاڑیوں میں آگے اور پیچھے دھند والی فوگ لائٹس کا استعمال کریں تاکہ دیگر گاڑیوں کو بہتر طور پر دیکھا جا سکے۔
موٹر وے پولیس نے عوام سے درخواست کی ہے کہ غیر ضروری سفر سے گریز کریں، تیز رفتاری سے پرہیز کریں اور اگلی گاڑی سے مناسب فاصلہ رکھیں۔

مزید پڑھیں:  مراکش کشتی حادثہ : جاں بحق 4پاکستانیوں کی لاشیں وطن پہنچا دی گئیں