تھر میں بچوں کی اموات

تھر میں بچوں کی اموات کی خبروں کو زیادہ اچھالا جاتا ہے: بلاول

ویب ڈیسک: پیپلز پارٹی کے چیئرمین بلاول بھٹو زرداری کا کہنا ہے کہ سندھ میں بچوں کی شرح اموات میں واضح کمی آئی ہے لیکن تھر میں بچوں کی اموات کی خبروں کو زیادہ اچھالا جاتا ہے۔
ڈا یونیورسٹی آف ہیلتھ سائنسز میں تقریب سے خطاب کرتے ہوئے بلاول بھٹو زرداری نے کہا کہ یونیورسٹی آف کیلیفورنیا نے اپنی رپورٹ میں شرح اموات میں کمی کو تسلیم کیا ہے، سندھ میں بچوں کی شرح اموات 1.2 فیصد ہے جب کہ دیگر صوبوں میں 1.4 فیصد ہے۔
بلاول بھٹو کا کہنا تھا کہ سندھ کی 106 تحصیلوں میں ٹیلی میڈیسن کی سہولت فراہم کردی گئی ہے، جو سفر سندھ نے شروع کیا ہے وہ دوسرے صوبوں کیلئے ایک مثال ہے، 18ویں ترمیم کے بعد صوبوں کو صحت کے اداروں کو سنبھالنے کی ذمہ داری دی گئی، این آئی سی وی ڈی کا بہترین نیٹ ورک اور گمبٹ انسٹی ٹیوٹ 18ویں ترمیم کی بدولت ممکن ہوا۔
اس موقع پر وزیراعلیٰ سندھ مراد علی شاہ نے کہا کہ صحت کے شعبے میں ہمارے کام کو نا صرف قومی بلکہ بین الاقوامی سطح پر بھی سراہا گیا ہے، آئندہ 5 سال میں شرح اموات مزید 50 فیصد کم کریں گے۔

مزید پڑھیں:  نئے ججز کی تعیناتی کیلئے جوڈیشل کمیشن کا اجلاس آج ہوگا