ن لیگ منصوبوں کی دشمن

ن لیگ انسانی فلاح کے منصوبوں کی دشمن بنی ہوئی ہے ، بیرسٹر سیف

ویب ڈیسک: مشیر اطلاعات خیبر پختونخوا بیرسٹر محمد علی سیف نے کہا ہے کہ ن لیگ انسانی فلاح کے منصوبوں کی دشمن بنی ہوئی ہے ۔
القادر ٹرسٹ کیس سے متعلق بات کرتے ہوئے مشیر اطلاعات خیبر پختونخوا بیرسٹر سیف کا کہنا تھا کہ انسانی فلاح کے منصوبوں کو نشانہ بنانا مسلم لیگ ن کا پرانا وطیرہ ہے۔
انہوں نے کہا کہ ملک میں دنیا کے واحد کینسر ہسپتال شوکت خانم کو بھی نقصان پہنچانے کی کوشش کی گئی تھی، اب سیرت النبیۖ پر قائم القادر یونیورسٹی کے پیچھے پڑ گئے ہیں، القادر یونیورسٹی میں اسوہ حسنہ کی تعلیم دی جاتی ہے۔
بیرسٹر سیف نے کہا ہے کہ نوجوانوں کو سیرت النبیۖ سے روشناس کرایا جا رہا ہے، 2022 سے اب تک یونیورسٹی نے ریاست کو اربوں روپے کا منافع بھی فراہم کیا۔
مشیر اطلاعات خیبر پختونخوا نے مزید کہا ہے کہ ن لیگ نے خود تو ابھی تک ایک بھی ڈھنگ کا منصوبہ شروع نہیں کیا، دوسروں کے فلاحی منصوبوں کے بھی دشمن بنے ہوئے ہیں۔

مزید پڑھیں:  تحریک انصاف نے آئی ایم ایف مشن کوڈوزیئر اور خط بھیج دیا