ویب ڈیسک: پنجاب کے سابق نگران وزیر معدنیات ابراہیم حسن مراد نے اٹک میں کروڑوں ڈالر کے سونے کے ذخائر دریافت ہونے کادعویٰ کیا ہے ۔
سوشل میڈیا پر جاری بیان میں سابق صوبائی نگران وزیر معدنیات نے بتایا اٹک میں 28لاکھ تولہ سونے کے ذخائر دریافت ہوئے ہیں، جس کی مالیت 800 ارب روپے ہے جبکہ امریکی ڈالر میں ذخائر کی مالیت 2 ارب 87 کروڑ ڈالر بنتی ہے۔
سابق صوبائی نگران وزیر معدنیات ابراہیم حسن مراد نے مزید بتایا کہ سونے کے یہ ذخائر اٹک میں 32کلومیٹر کی پٹی پر دریافت ہوئے ہیں،جیولوجیکل سروے آف پاکستان نے اس انکشاف کی تصدیق کی ہے، جس سے پنجاب کے قدرتی وسائل کی زبردست صلاحیت اجاگر ہوئی ہے۔
ان کا کہنا ہے کہ اس سلسلے میں جیولوجیکل سروے آف پاکستان نے 127 مقامات سے نمونے اکٹھے کیے۔
ابراہیم حسن مراد نے مزیدکہا کہ یہ سنگ میل پاکستان کے معدنی وسائل کو دریافت کرنے کی جانب ایک اہم قدم ہے۔
