وزیراعلیٰ خیبرپختونخوا علی امین گنڈا پور کی جانب سے اعلان کے باوجود ائیر ایمبولینس سروس شروع نہ ہوسکی ۔
ذرائع کے مطابق خیبر پختونخوا میں ائیر ایمبولینس منصوبے کیلئے سالانہ ترقیاتی پروگرام میں رقم مختص کی گئی تھی لیکن کرم تنازع کے دوران بھی سرکاری ہیلی کاپٹر کو بطور ائیر ایمبولینس استعمال نہیں کیا جاسکا۔
ذرائع نے بتایا کہ ضلع کرم میں کشیدگی کے دوران ہیلی کاپٹرکرم زخمیوں کو لانے اور لوگوں کو منتقل کرنے کیلئے استعمال کیا گیا۔
صوبائی سیکرٹری صحت نے اس حوالے سے بتایا کہ ائیر ایمبولینس کی سمری وزیراعلیٰ خیبر پختونخوا علی امین گنڈا پور کو بھیج دی ہے ،منصوبے پر 8کروڑ روپے لاگت آئے گی اور فنڈز ڈی جی ایوی ایشن کو فراہم کریں گے۔
سیکرٹری صحت نے کہا کہ وزیراعلیٰ خیبرپختونخوا کی جانب سے سمری کی منظوری ملتے ہی منصوبہ شروع کیاجائیگا۔
