ویب ڈیسک: خیبر پختونخوا کی ایپکس کمیٹی کے فیصلے کی روشنی میں پارا چنار روڈ کو محفوظ بنانے کے لیے سپیشل پروٹیکشن فورس کی بھرتی کا عمل شروع کردیا گیا۔
ذرائع کے مطابق محکمہ خزانہ نے فنڈزکی منظوری بھی دے دی ،بھرتی کا عمل رواں ماہ جنوری میں مکمل کیاجائے گا، 399اہلکاروں کی بھرتی عمل میں لائی جائے گی، مذکورہ اہلکاروں کی بھرتیاں کنٹریکٹ بنیادوں پرہوں گی ۔
ذرائع نے مزید بتایا کہ بھرتیاں ریجنل پولیس افسر کوہاٹ کریں گے، اہلکاروں کے لیے عمر کی حد45سال مقرر کی گئی ہے۔
ذرائع کے مطابق سپیشل پروٹیکشن فورس میں 350 سپاہی، 45حوالدار شامل ہونگے، مذکورہ بھرتیاں ایکس سروس مین سے ہوں گی۔
سپیشل پروٹیکشن فورس کو جدید اسلحہ فراہم کیا جائے گا تاکہ روڈ کا تحفظ یقینی بنایاجاسکے۔
