ویب ڈیسک: اسلام آباد دھرنے میں کنٹینر، گاڑیوں اور ساؤنڈ سسٹم کو کروڑوں نقصان کا انکشاف، اس حوالے سے بتایا گیا ہے کہ اس نقصان کو وزیراعلیٰ اپنی جیب سے پورا کریں گے۔
اسلام آباد دھرنے میں کنٹینر، گاڑیوں اور ساؤنڈ سسٹم کو کروڑوں روپے کا نقصان پہنچنے کا انکشاف ہوا ہے۔ اس حوالے سے بتایا گیا ہے کہ اسلام آباد جانے والے بلٹ پروف کنٹینر سے سامان اتار لیا گیا، جبکہ کنٹینر کو بھی جلا دیا گیا ہے، اس کے ساتھ ساتھ کنٹینر گاڑی و دیگر 2 گاڑیاں 4 ماہ بعد واپس کردی گئیں۔
ذرائع کے مطابق وزیراعلیٰ خیبرپختونخوا علی امین گنڈا پور نے نجی ٹھیکیداروں کے کروڑوں روپے بھی ادا کرنے ہیں۔ نجی کنٹریکٹرز نے معاوضے کے لیے وزیراعلیٰ ہاؤس کے چکر لگانا شروع کردیے ہیں، تاہم کئی ماہ گزر نے کے باوجود نقصان کا ازالہ نہیں کیا جا سکا۔
