تنزانیہ میں مشتبہ ماربرگ وائرس پھیلنے

تنزانیہ میں مشتبہ ماربرگ وائرس پھیلنے لگا، 8 افراد ہلاک

ویب ڈیسک: افریقی ملک تنزانیہ میں مشتبہ ماربرگ وائرس پھیلنے لگا، اس موذی وائرس سے 8 افراد ہلاک ہو گئے ہیں، جبکہ اس کے مزید پھیلنے کا بھی خدشہ ہے۔
تفصیلات کے مطابق مشرقی افریقی ملک تنزانیہ میں مشتبہ ماربرگ وائرس سے 8 افراد ہلاک ہوگئے۔ عالمی ادارہ صحت کے مطابق تنزانیہ کے کاگیرا ریجن میں ماربرگ وبا کے پھیلاؤ سے 8 افراد ہلاک ہوئے ہیں، اس حوالے سے ممبر ممالک کو بھی آگاہ کر دیا گیا ہے۔
عالمی ادارہ صحت کے سربراہ ڈاکٹر ٹیڈروس ادہانوم کا کہنا ہے کہ تنزانیہ میں ماربرگ کے 9 کیس رپورٹ ہو چکےہیں جبکہ اس موذی وبا سے 8 ہلاکتیں ریکارڈ کی گئی ہیں، خدشہ ہے آئندہ دنوں میں مزید کیسز سامنے آئیں گے۔
انہوں نے بتایا کہ عالمی ادارہ صحت کی جانب سے تنزانیہ حکومت اور متاثرہ کمیونٹیز کو مدد کی پیش کش کی گئی ہے۔ ایک ماہ قبل روانڈا میں بھی اسی وبا سے 15 افراد ہلاک ہو گئے تھے۔
یاد رہے ماربرگ ایبولا جیسے وائرس کے خاندان سے تعلق رکھتا ہے، جو کہ انتہائی متعدی ہیمرج بخار کا سبب بنتا ہے، ماہرین کا کہنا ہے کہ یہ پھل کھانے والی چمگادڑوں سے پھیلتا ہے۔ افریقی ملک تنزانیہ میں مشتبہ ماربرگ وائرس پھیلنے لگا، اس موذی وائرس سے 8 افراد ہلاک ہو گئے ہیں، جبکہ اس کے مزید پھیلنے کا بھی خدشہ ہے۔

مزید پڑھیں:  ہنگو میں پولیس ناکہ بندی کے قریب دھماکہ ،کوئی جانی نقصان نہیں ہوا