ویب ڈیسک: امریکہ کی جانب سے اہم قدم اٹھاتے ہوئے کیوبا کو دہشتگردی کی لسٹ سے نکالنے کا اعلان کر دیا گیا ہے۔
تفصیلات کے مطابق امریکا نے کیوبا کو دہشت گردی کے ریاستی سرپرستوں کی فہرست سے نکالنے کا اعلان کر دیا ہے۔ وائٹ ہاؤس کی جانب سے بتایا گیا ہے کہ امریکی صدر جوبائیڈن نے کیوبا کو دہشت گردی کی فہرست سے نکالنے کا فیصلہ کیا ہے۔
بائیڈن انتظامیہ کے مطابق جائزہ مکمل ہو چکا ہے اور ہمارے پاس کوئی معلومات نہیں ہیں جو کیوبا کو دہشت گردی کے ریاستی سرپرستوں کی فہرست میں شامل رہنے کی حمایت کرتی ہو۔
دوسری جانب کیوبا نے امریکی اقدام کا خیرمقدم کرتے ہوئے اسے درست سمت میں ایک اہم قدم قرار دیا لیکن ساتھ ہی افسوس کا اظہار کیا کہ وہ ابھی بھی 1962 سے جاری امریکی پابندیوں کا شکار ہیں۔ اس کے علاوہ کیوبا نے بھی ردعمل میں 533 قیدیوں کو رہا کرنےکا اعلان کیا ہے۔
یاد رہے کہ امریکہ کی جانب سے اہم قدم اٹھاتے ہوئے کیوبا کو دہشتگردی کی لسٹ سے نکالنے کا اعلان کر دیا گیا ہے۔
